"Yuventus" bosh murabbiyi Massimiliano Allegri Chempionlar ligasi guruh bosqichi 1-turida "PSJ" bilan bo‘lajak o‘yin haqida o‘z fikrlari bilan o‘rtoqlashdi.
“Guruhdan chiqish uchun bizga 10 ochko kerak. Menimcha, "PSJ" bu Chempionlar ligasining asosiy favoriti. Bu yaxshi o‘yin bo‘ladi va biz texnik jihatdan yaxshi o‘yin ko‘rsatish niyatidamiz", - deya Allegri so‘zlarini keltirmoqda UEFA matbuot xizmati.
O‘tgan mavsumda "PSJ" Chempionlar ligasining 1/8 finalida "Real"ga, "Yuventus" o‘sha bosqichda "Vilyarreal"ga mag‘lub bo‘ldi.
"PSJ" - "Yuventus" uchrashuvi 6 sentyabr kuni bo‘lib o‘tadi. Uchrashuv Toshkent vaqti bilan 23:59 da boshlanadi.
