"Ювентус" бош мураббийи Массимилиано Аллегри Чемпионлар лигаси гуруҳ босқичи 1-турида "ПСЖ" билан бўлажак ўйин ҳақида ўз фикрлари билан ўртоқлашди.
“Гуруҳдан чиқиш учун бизга 10 очко керак. Менимча, "ПСЖ" бу Чемпионлар лигасининг асосий фаворити. Бу яхши ўйин бўлади ва биз техник жиҳатдан яхши ўйин кўрсатиш ниятидамиз", - дея Аллегри сўзларини келтирмоқда УЕФА матбуот хизмати.
Ўтган мавсумда "ПСЖ" Чемпионлар лигасининг 1/8 финалида "Реал"га, "Ювентус" ўша босқичда "Вильярреал"га мағлуб бўлди.
"ПСЖ" - "Ювентус" учрашуви 6 сентябрь куни бўлиб ўтади. Учрашув Тошкент вақти билан 23:59 да бошланади.
