Angliyaning “Vulverxempton” jamoasi tarkibini baland bo‘yli hujumchilar bilan kuchaytirish niyatida.
Joriy yozda “bo‘rilar” “Shtutgart”dan Sasha Kalayjichni 18 million yevro evaziga sotib olishdi, biroq hujumchi og‘ir jarohat tufayli darhol safdan chiqdi.
"Atletiko" va "Chelsi"ning mashhur sobiq futbolchisi Diyego Kostani avstriyalikning o‘rniga chaqirishdi, ammo u ishlash uchun ruxsatnoma olmaslik xavfi bor. The Telegraph xabariga ko‘ra, agar ispaniyalikning transferi bilan bog‘liq muammo hal etilmasa, "Vulverxempton" Endi Kerrollni taklif qilishga urinib ko‘radi.
33 yoshli Kerroll hozirda erkin agent hisoblanadi. "Liverpul"ning sobiq hujumchisi o‘tgan mavsum oxirida "Vest Bromvich"ni tark etgandi.