"Monako" hujumchisi Vissam Ben-Yedder murabbiylar shtabi uni Fransiya chempionatining 6-turi doirasidagi "Nissa"ga (1:0) qarshi o‘yinda asosiy tarkibga kiritmaganidan norozi bo‘ldi, deb xabar beradi Footmercato.
Uchrashuvning 78-daqiqasida bosh murabbiy Filippe Klemen unga qizishi kerakligini aytdi. Ammo o‘sha paytda "Monako" hisobni ochishga muvaffaq bo‘ldi va Klemen hujumchini maydonga tushirish fikridan qaytdi.
Shundan so‘ng Ben-Yedderni xafsalasi pir bo‘ldi.
Qayd etilishicha, shundan so‘ng murabbiy futbolchi bilan suhbatlashgan va ular barcha kelishmovchiliklarni bartaraf etishgan.
