"Barselona" himoyachisi Jyul Kunde nima uchun "Chelsi" taklifini rad etib, Kataloniya klubiga o‘tishga qaror qilganini tushuntirib berdi.
"Barselona" hali ham jozibali klub, bundan tashqari, men uchun bosh murabbiyning figurasi ham muhim edi. Xavi meni ishontirdi, menga uning futbolga qarashi yoqadi. Tanlov oson bo‘ldi, chunki Xavi menga xohlagan hamma narsani berdi", - deya Kunde so‘zlarini keltiradi Goal.
23 yoshli Kunde 2022 yilning iyul oyi oxirida "Sevilya"dan 50 million yevro evaziga "Barselona"ga o‘tgan edi. Fransiyalik futbolchi “ko‘k-anorranglilar” uchun 2 ta o‘yinda 2 ta golli uzatmani amalga oshirdi.
