"Manchester Siti" yozda hujumchi Xulian Alvaresni "Brayton"ga ijaraga berishdan bosh tortdi.
Jurnalist Fabrisio Romanoning so‘zlariga ko‘ra, argentinalik futbolchi Mark Kukurelyani “Manchester Siti”ga o‘tkazish bo‘yicha kelishuv doirasida “Brayton”ga o‘tishi mumkin edi, biroq ikkala transfer ham amalga oshmagan.
Kukurelya Londonning “Chelsi” jamoasiga o‘tdi, Alvares esa “Manchester Siti”da qoldi. Angliya Premyer-ligasining yangi mavsumida argentinalik futbolchi ikkita gol urdi.
Eslatib o‘tamiz, Alvares "Manchester Siti"ga Argentinaning "River Pleyt" klubidan o‘tgan edi. Yosh hujumchiga "Manchester Yunayted" ham da’vogarlik qilgandi.
