"Манчестер Сити" ёзда ҳужумчи Хулиан Альваресни "Брайтон"га ижарага беришдан бош тортди.
Журналист Фабрицио Романонинг сўзларига кўра, аргентиналик футболчи Марк Кукурельяни “Манчестер Сити”га ўтказиш бўйича келишув доирасида “Брайтон”га ўтиши мумкин эди, бироқ иккала трансфер ҳам амалга ошмаган.
Кукурелья Лондоннинг “Челси” жамоасига ўтди, Альварес эса “Манчестер Сити”да қолди. Англия Премьер-лигасининг янги мавсумида аргентиналик футболчи иккита гол урди.
Эслатиб ўтамиз, Альварес "Манчестер Сити"га Аргентинанинг "Ривер Плейт" клубидан ўтган эди. Ёш ҳужумчига "Манчестер Юнайтед" ҳам даъвогарлик қилганди.
