Chempionlar ligasi guruh bosqichining birinchi turida “Atletiko” o‘z maydonida “Portu”ni 2:1 hisobida mag‘lub etdi.

Ispan klubi ikkinchi bo‘lim yakunida hisobni ochishdi gol muallifi - Mario Ermoso.

Oradan hech qancha vaqt o‘tmay "Portu" penalti tepish imkoniyatiga ega bo‘ldi. Mateus Uribe 95-daqiqada 11-metrlik jarima zarbasini golga aylantirdi.

Biroq Diyego Simeone shogirdlari baribir g‘alaba qozonishdi – qo‘shib berilgan daqiqalarning 11-sida Antuan Grizmann g‘alaba to‘pini kiritdi.

Portugaliyaliklar 82-daqiqada Mehdi Taremi maydondan chetlatilganidan so‘ng o‘yinni bir kishi kam bo‘lib yakunladi.

Atletiko Ispaniya – Portu Portugaliya 2:1 (0:0, 2:1)

Gollar: 1:0 – 90 Ermoso, 1:1 – 90, penaltidan Uribe, 2:1 – 90 Grizmann.

Atletiko – Oblak, Molina (de Paul, 46), Vitsel, Ximenes, Reynildu, Karrasko (Lemar, 46), Koke, Saul (Grizmann, 61), Lyorente, Morata (Ermoso, 68), Joau Feliks (Korrea, 71).

Portu – Diogu Koshta, Pepe, Karmu, Sanusi, Otavio (Brunu Koshta, 77), Uribe, Eushtakiu, Pepe (Joau Mariu, 62), Taremi, Evanilson (Toni Martines, 78), Galeno (Gabriel Veron, 88).

Ogohlantirishlar: Pepe (53), Koke (56), Uribe (68), Taremi (71), Ermoso (90).

Chetlatish: Taremi (82).