"Manchester Yunayted" Yevropa ligasidagi dastlabki tur o‘yinini mag‘lubiyat bilan boshladi. Erik ten Xag shogirdlari guruhdagi birinchi o‘yinida Ispaniyaning "Real Sosyedad" jamoasiga o‘z maydonida mag‘lub bo‘ldi. O‘yindan so‘ng klub matbuot xizmati niderlandiyalik murabbiyning matbuot anjumani bekor qilinganini ma’lum qildi.

Bu - o‘yinda ochko yo‘qotish bilan emas, balki 96 yoshida vafot etgan Angliya qirolichasi bilan bog‘liq. Motam tufayli matbuot bilan aloqa minimal darajaga tushiriladi, bu an’anaviy inglizcha yondashuv.

Yevropa ligasining navbatdagi turida "Manchester Yunayted" Kishinyovda "Sherif"ga qarshi o‘ynaydi, bu o‘yin 15 sentyabr kuni bo‘lib o‘tadi.