"Манчестер Юнайтед" Европа лигасидаги дастлабки тур ўйинини мағлубият билан бошлади. Эрик тен Хаг шогирдлари гуруҳдаги биринчи ўйинида Испаниянинг "Реал Сосьедад" жамоасига ўз майдонида мағлуб бўлди. Ўйиндан сўнг клуб матбуот хизмати нидерландиялик мураббийнинг матбуот анжумани бекор қилинганини маълум қилди.
Бу - ўйинда очко йўқотиш билан эмас, балки 96 ёшида вафот этган Англия қироличаси билан боғлиқ. Мотам туфайли матбуот билан алоқа минимал даражага туширилади, бу анъанавий инглизча ёндашув.
Европа лигасининг навбатдаги турида "Манчестер Юнайтед" Кишинёвда "Шериф"га қарши ўйнайди, бу ўйин 15 сентябрь куни бўлиб ўтади.
