"Monako" bosh murabbiyi Filippe Kleman Yevropa ligasi guruh bosqichi 1-tur uchrashuvida "Srvena Zvezda" ustidan qozonilgan g‘alaba (1:0) haqida fikr bildirdi.
"Bu yerda ajoyib muhit bor edi, bu menga yoqadi. Men ham futbolchi, ham murabbiy sifatida shunday sharoitlarda shunday muxlislar bilan o‘ynaganman. Agar o‘sha penalti bizga g‘alaba keltirmasa, xursand bo‘lmasdim, chunki men doim g‘alaba qozonishni xohlayman. Men durang bilan ham qanoatlanmayman. Men g‘alaba qozonish uchun hisob 0:0 bo‘lib turgan paytda futbolchi almashtirishlarni amalga oshirdim va yakunda ijobiy natija bo‘ldi. Umuman olganda, ustunlikni saqlab qolish uchun himoyada yaxshi harakat qildik", - dedi Kleman klub matbuot xizmatiga.
