"Монако" бош мураббийи Филиппе Клеман Европа лигаси гуруҳ босқичи 1-тур учрашувида "Црвена Звезда" устидан қозонилган ғалаба (1:0) ҳақида фикр билдирди.
"Бу ерда ажойиб муҳит бор эди, бу менга ёқади. Мен ҳам футболчи, ҳам мураббий сифатида шундай шароитларда шундай мухлислар билан ўйнаганман. Агар ўша пенальти бизга ғалаба келтирмаса, хурсанд бўлмасдим, чунки мен доим ғалаба қозонишни хоҳлайман. Мен дуранг билан ҳам қаноатланмайман. Мен ғалаба қозониш учун ҳисоб 0:0 бўлиб турган пайтда футболчи алмаштиришларни амалга оширдим ва якунда ижобий натижа бўлди. Умуман олганда, устунликни сақлаб қолиш учун ҳимояда яхши ҳаракат қилдик", - деди Клеман клуб матбуот хизматига.
