Madridning “Atletiko” klubi yarim himoyachisi Aksel Vitsel jamoaning avgust oyidagi eng yaxshi futbolchisi deb topildi, deya xabar beradi klub matbuot xizmati.
O‘tgan oy futbolchi Madrid klubi safida Ispaniya chempionatida markaziy himoyachi sifatida 3 ta o‘yin o‘tkazdi. Bu uchrashuvlarda jamoa 2 ta gol o‘tkazib yubordi.
33 yoshli belgiyalik ushbu yozda Madrid klubiga tekinga kelib qo‘shildi. Yarim himoyachi bilan shartnoma bir mavsumga tuzilgan.
Joriy mavsumda yarim himoyachi "Atletiko" tarkibida 5 ta o‘yinda maydonga tushib, barcha turnirlarda 1 ta golli uzatmani amalga oshirdi.
