Мадриднинг “Атлетико” клуби ярим ҳимоячиси Аксел Витсель жамоанинг август ойидаги энг яхши футболчиси деб топилди, дея хабар беради клуб матбуот хизмати.
Ўтган ой футболчи Мадрид клуби сафида Испания чемпионатида марказий ҳимоячи сифатида 3 та ўйин ўтказди. Бу учрашувларда жамоа 2 та гол ўтказиб юборди.
33 ёшли бельгиялик ушбу ёзда Мадрид клубига текинга келиб қўшилди. Ярим ҳимоячи билан шартнома бир мавсумга тузилган.
Жорий мавсумда ярим ҳимоячи "Атлетико" таркибида 5 та ўйинда майдонга тушиб, барча турнирларда 1 та голли узатмани амалга оширди.
