Madridning “Real” klubi bosh murabbiyi Karlo Anchelotti Ispaniya chempionatining 5-turidan o‘rin olgan “Malyorka”ga (4:1) qarshi o‘yin haqida gapirdi.

"Bizda yaxshi jamoa bor va ular Benzemaning yo‘qligini bildirishmadi. Bu bizning (qobiliyatlarimizga) ishonchimiz uchun muhim lahza edi. Biz birinchi bo‘limda qiyinchiliklarga duch keldik, Azar to‘qqizlik hujumchisi emas. Rodrigo esa jarima maydonchasi tashqarisidan yaxshiroq hujum qiladi.

Asensio (maydonga chiqmagani uchun) jahli chiqdimi? U g‘azablandi va men uni tushunaman. Agar gol urmasak, uni ham, Marianoni ham maydonga tushirmoqchi edim. Asensio o‘ynashni xohlaydi, asosiysi shu. Men buni inobatga olaman va uning g‘azabiga qo‘shilaman”, dedi Anchelotti o‘yindan keyin.

"Real Madrid" 15 ochko bilan turnir jadvalida peshqadamlik qilmoqda. "Malyorka" 5 ochko bilan 13-o‘rinda bormoqda.

"Real Madrid" keyingi turda 18 sentyabr kuni "Atletiko"ga qarshi o‘ynaydi.