2022 yilning yanvarida jamoaga kelib qo‘shilgan "Liverpul" hujumchisi Luis Dias faoliyatini boshqa ingliz klublarida davom ettirishi mumkin edi. "Tottenxem" va "Vest Xem" "Portu" bilan muzokaralar olib borishdi, ammo kolumbiyalik futbolchi faqat Yurgen Klopp va Chempionlar ligasi tufayli "Liverpul"da o‘ynashni xohladi. Bu haqda jurnalist Fabrisio Romano tvitterda xabar berdi.
2022 yil yanvarida “Liverpul” 25 yoshli Dias uchun 47 million yevro to‘lagan edi.Joriy mavsumda hujumchi barcha musobaqalarda sakkizta o‘yinda 4ta gol urdi. Tomonlar o‘rtasidagi kelishuv 2027 yilda yakuniga yetadi.
2018 yilning sentyabrida Dias Kolumbiya terma jamoasida debyut qilgan. Ayni vaqtda Luis milliy terma jamoa safida 35 ta o‘yin o‘tkazib, 8 ta gol va bitta golli uzatmani amalga oshirgan.
