2022 йилнинг январида жамоага келиб қўшилган "Ливерпуль" ҳужумчиси Луис Диас фаолиятини бошқа инглиз клубларида давом эттириши мумкин эди. "Тоттенхэм" ва "Вест Хэм" "Порту" билан музокаралар олиб боришди, аммо колумбиялик футболчи фақат Юрген Клопп ва Чемпионлар лигаси туфайли "Ливерпуль"да ўйнашни хоҳлади. Бу ҳақда журналист Фабрицио Романо твиттерда хабар берди.
2022 йил январида “Ливерпуль” 25 ёшли Диас учун 47 миллион евро тўлаган эди.Жорий мавсумда ҳужумчи барча мусобақаларда саккизта ўйинда 4та гол урди. Томонлар ўртасидаги келишув 2027 йилда якунига етади.
2018 йилнинг сентябрида Диас Колумбия терма жамоасида дебют қилган. Айни вақтда Луис миллий терма жамоа сафида 35 та ўйин ўтказиб, 8 та гол ва битта голли узатмани амалга оширган.
