“Liverpul” himoyachisi Endryu Robertson Chempionlar ligasi guruh bosqichi 2-turida Amsterdamning “Ayaks” klubiga qarshi o‘yinda jamoasiga yordam bermaydi. Liverpool Echo nashri ma’lumotlariga ko‘ra, shotlandiyalik futbolchi tizzasidan jarohat olgan deb taxmin qilingan.

Zarar darajasi hozircha ma’lum emas. Qayd etilishicha, futbolchi qo‘shimcha tibbiy ko‘rikdan o‘tishi kerak, uning natijasi o‘yinchi qancha vaqt o‘tkazib yuborishini aniq aytib beradi.

Eslatib o‘tamiz, "Liverpul" Angliya Premyer-ligasining yangi mavsumida shu paytgacha 2 ta g‘alabaga erishgan. O‘tgan hafta “qizillar” Chempionlar ligasi doirasida “Napoli”ga mehmonda 1:4 hisobida mag‘lub bo‘ldi.