"Barselona" sobiq prezidenti Xosep Mariya Bartameu Frenki de Yong va boshqa futbolchilar bilan shartnoma imzolashda qoida buzarliklar bo‘lmaganini aytdi.
"Mutaxassislar Frenki de Yong yoki boshqa futbolchilar bilan shartnomada hech qanday qoidabuzarliklarni aniqlagani yo‘q. Prezident bo‘lgan davrimda futbolchilar bilan shartnomalarni yangilash uchun mablag‘imiz bor edi, ammo pandemiyaning dahshatli va kutilmagan zarbasi ostida vaziyat o‘zgardi.
2020 yil mart oyida biz barcha sportchilar uchun xarajatlarni kamaytirish uchun 12 foizlik ish haqini kamaytirishni joriy etdik. 2020/21 yilgi mavsumda biz pandemiya tugaganidan keyin shartlarni tiklash uchun shartnomani uzaytirish evaziga ikkinchi marta maoshni qisqartirishni taklif qildik. Ko‘plab futbolchilar bunga rozi bo‘lgan edi", - dedi sobiq klub rahbari.
