"Manchester Siti" himoyachisi Manuel Akanji bolaligida "Manchester Yunayted"ni qo‘llab-quvvatlaganini aytdi.
"Bolaligimda "Manchester Yunayted"ga muxlislik qilganman, lekin o‘zing futbolchi sifatida ma’lum darajaga yetganingdan so‘ng, muxlislik qilishni to‘xtatasan. Chunki shunday klublarga qarshi o‘ynaysiz. “Bazel”ga kelganimda Chempionlar ligasida va “Manchester Yunayted”ga qarshi o‘ynaganman. Keyin ular raqibga aylandi. Shu darajaga yetdimki, muxlislik qilishni to‘xtatdim va “Manchester Yunayted” kabi jamoalarni mag‘lub etish uchun o‘z ishimni yaxshi bajarishni xohlardim”, — dedi Akanji.
1 sentyabr kuni “Manchester Siti” Akanji transferini e’lon qildi. 27 yoshli shveysariyalikning transferi bo‘yicha bitim summasi 17,5 million yevroni tashkil qilgan. Shartnoma muddati 2027 yilgacha tuzilgan.
O‘tgan mavsumda futbolchi "Borussiya" safida 36 ta o‘yin o‘tkazib, 1 ta gol urgan.
