"Манчестер Сити" ҳимоячиси Мануэль Аканжи болалигида "Манчестер Юнайтед"ни қўллаб-қувватлаганини айтди.

"Болалигимда "Манчестер Юнайтед"га мухлислик қилганман, лекин ўзинг футболчи сифатида маълум даражага етганингдан сўнг, мухлислик қилишни тўхтатасан. Чунки шундай клубларга қарши ўйнайсиз. “Базель”га келганимда Чемпионлар лигасида ва “Манчестер Юнайтед”га қарши ўйнаганман. Кейин улар рақибга айланди. Шу даражага етдимки, мухлислик қилишни тўхтатдим ва “Манчестер Юнайтед” каби жамоаларни мағлуб этиш учун ўз ишимни яхши бажаришни хоҳлардим”, — деди Аканжи.

1 сентябрь куни “Манчестер Сити” Аканжи трансферини эълон қилди. 27 ёшли швейцарияликнинг трансфери бўйича битим суммаси 17,5 миллион еврони ташкил қилган. Шартнома муддати 2027 йилгача тузилган.

Ўтган мавсумда футболчи "Боруссия" сафида 36 та ўйин ўтказиб, 1 та гол урган.