"PSJ" bosh murabbiyi Kristoff Galtye Chempionlar ligasi doirasida "Makkabi" jamoasiga qarshi bo‘lib o‘tadigan o‘yindan oldingi fikrlari bilan o‘rtoqlashdi.
"Biz juda qiyin raqibga qarshi o‘ynaymiz. "Makkabi" - yaxshi tashkil etilgan jamoa, juda shiddatli o‘ynaydi. Lekin mening futbolchilarim bunday uchrashuvlarga o‘rganib qolishgan. Bilaman, Isroilda ko‘pchilik "PSJ"ni qo‘llab-quvvatlaydi, ammo hozir bunday emas. Butun stadion "Makkabi"ni qo‘llab-quvvatlaydi. Bu yerda havo doim issiq", - dedi Galtye UYEFA rasmiy saytiga.
