Superligada amalda peshqadam bo‘lib turgan "Nasaf" 19-turda Qo‘qonning "Qo‘qon-1912" jamoasi bilan kuch sinashadi. Uchrashuv 16 sentyabr kuni soat 18:30 boshlanadi.
Quyida jamoalarning hozirgacha shu paytgacha o‘tkazgan uchrashuvlari haqidagi faktlar bilan tanishishingiz mumkin:
Jamoalar O‘zbekiston chempionatida shu vaqtga qadar 27 bor kuch sinashishgan. Bo‘lib o‘tgan 18 uchrashuvda "ajdarlar", 5 o‘yinda esa qo‘qonliklar zafar quchishgan. 4 uchrashuvda esa durang natija qayd etilgan.
To‘plar nisbati 49:26 ga teng. Ustunlik qarshiliklar tarafida.
O‘zaro uchrashuvlarda qayd etilgan eng yuqori hisoblar quyidagicha: "Nasaf" – "Qo‘qon-1912" 4:0, "Qo‘qon-1912" – "Nasaf" 3:0.
Jamoalar so‘nggi o‘zaro uchrashuvni 2022 yili 2 may kuni Yaypanda o‘tkazgan. Bu uchrashuv 0:1 hisobida "Nasaf" g‘alabasi bilan yakunlangan. Uchrashuvdagi yagona golga qarshiliklar sardori Umarbek Eshmurodov mualliflik qilgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
02.05.2022 | Qo‘qon-1912 — Nasaf 0:1
15.11.2021 | Nasaf — Qo‘qon-1912 3:1
28.06.2021 | Qo‘qon-1912 — Nasaf 1:2
31.10.2020 | Nasaf — Qo‘qon-1912 1:0
14.07.2020 | Qo‘qon-1912 — Nasaf 2:2
