Fransiya polisiyasi “Yuventus” yarim himoyachisi Pol Pogbaning akasi Matia Pogbani shantaj va tovlamachilikda ayblab qo‘lga oldi, deb xabar beradi RMC Sport.
Manbaga ko‘ra, Matia Pogba va yana uch kishini 14 sentyabr, chorshanba kuni Parij chekkasi Nanterre polisiyasi qo‘lga olgan.
Oldinroq “Yuventus” yarim himoyachisi uyushgan jinoiy guruh tomonidan tovlamachilik va tahdidlar qurboni bo‘lganini aytgandi. Ma’lum bo‘lishicha, Pogbaning bu jinoiy guruhga kiruvchi akasi uni 13 million yevroga yaqin pulni shantaj orqali qo‘lga kiritgan.
16 iyul kuni Pol Turin prokuraturasiga ariza bilan murojaat qildi. Avgust oyida o‘tkazilgan dastlabki tergovdan so‘ng Parij prokuraturasi hozircha noma’lum shaxsga nisbatan shantaj, odam o‘g‘irlash va jinoiy fitnada ishtirok etish kabi ayblovlarni ko‘rib chiqishini aytdi.
