"Chelsi" sardori Sezar Aspilikueta jamoasi Chempionlar ligasining pley-off bosqichiga chiqa olmasligidan xavotirda.
Eslatib o‘tamiz, guruh bosqichining ikki turidan keyin "ko‘klar" bir ochkoga ega.
"Birinchi o‘yinda mag‘lubiyatga uchraganimizdan so‘ng biz qiyin vaziyatda edik, hozir esa bu biroz yomonroq, ammo baribir hammasi o‘z qo‘limizda. "Zalsburg" bilan durangdan so‘ng guruhdan chiqish uchun ko‘proq harakat qilishimiz kerak", - dedi Aspilikueta kechagi o‘yindan keyin bergan intervyusida.
O‘tgan mavsumda "Chelsi" Chempionlar ligasining chorak finaliga qadar yetib borgan, bir yil avval esa Tomas Tuxel boshchiligidagi turnirda g‘olib chiqqandi.
