Tennis bo‘yicha 20 karra «katta dubulg‘a» sohibi Rojer Federer faoliyatini yakunlaganini e’lon qildi.

41 yoshli sportchining eng so‘nggi musobaqasi ko‘rgazmali Leyver Kubogi bo‘ladi. Turnir keyingi hafta Londonda bo‘lib o‘tishi mo‘ljallangan.

Federer — «Uimbldon» (8 ta g‘alaba) va «US Open»ning (5 ta g‘alaba) eng ko‘p sovrin qo‘lga kiritgan tennischisi hisoblanadi.

Umumiy hisobda Rojer 103 ta sovringa ega chiqqan. Tennis tarixida faqatgina Jimmi Konnors (109 ta sovrin) undan oldinda.

Shveysariyalik 310 kun davomida dunyoning birinchi raketkasi maqomini saqlab qolgan. 2021 yil mart oyiga qadar bu rekord unga tegishli edi, keyinchalik Novak Jokovich bu rekordni yangiladi. Birinchi o‘rinda turish bo‘yicha rekord Federerga tegishli — ketma-ket 237 hafta birinchi o‘rinni hech kimga bermagan.

Undan tashqari Federer — Devis Kubogi va Pekinda bo‘lib o‘tgan 2008 yilgi Olimpiada chempioni hisoblanadi.