“Manchester Yunayted” hujumchisi Krishtianu Ronaldu “Sherif”ga qarshi (2:0) Yevropa ligasi guruh bosqichi 2-tur uchrashuvi tanaffus vaqtida muxlisasi bilan rasmga tushishdan bosh tortdi.
Kishinyovdagi “Zimbru” stadionida bo‘lib o‘tgan uchrashuvning birinchi taymidan so‘ng qiz 37 yoshli portugaliyalik bilan suratga tushmoqchi bo‘ldi, biroq u bunga rozi bo‘lmadi va tribuna ostidagi xonaga yo‘l oldi.
Oxirgi o‘yinda Ronaldu penaltini aniq amalga oshirib, joriy mavsum mankunianliklar klubi safidagi ilk golini urdi. Shuningdek, tiraspolliklar darvozasiga urilgan gol hujumchi uchun Yevropa ligasidagi birinchi va faoliyatidagi 699-gol bo‘ldi.
Yevropa Ligasi guruh bosqichining 2-turidan so‘ng “Manchester Yunayted” 3 ochko jamg‘arib, “E” guruhi turnir jadvalida 2-o‘rinda bormoqda.“Sherif” esa 3 ochko bilan 3-o‘rinda bormoqda.
