“Манчестер Юнайтед” ҳужумчиси Криштиану Роналду “Шериф”га қарши (2:0) Европа лигаси гуруҳ босқичи 2-тур учрашуви танаффус вақтида мухлисаси билан расмга тушишдан бош тортди.

Кишинёвдаги “Зимбру” стадионида бўлиб ўтган учрашувнинг биринчи таймидан сўнг қиз 37 ёшли португалиялик билан суратга тушмоқчи бўлди, бироқ у бунга рози бўлмади ва трибуна остидаги хонага йўл олди.

Охирги ўйинда Роналду пенальтини аниқ амалга ошириб, жорий мавсум манкунианликлар клуби сафидаги илк голини урди. Шунингдек, тирасполликлар дарвозасига урилган гол ҳужумчи учун Европа лигасидаги биринчи ва фаолиятидаги 699-гол бўлди.

Европа Лигаси гуруҳ босқичининг 2-туридан сўнг “Манчестер Юнайтед” 3 очко жамғариб, “E” гуруҳи турнир жадвалида 2-ўринда бормоқда.“Шериф” эса 3 очко билан 3-ўринда бормоқда.