"Lester" bosh murabbiyi "Tottenxem"dan uchralgan mag‘lubiyat (2:6) haqida fikr bildirdi.
“73 daqiqa davomida yaxshi o‘yin bo‘ldi va biz ehtimol (maydonda) imkoniyatlar yaratadigan eng yaxshi jamoa edik. Biz xatolarimiz uchun jazolandik.
Men futbolchilardan dadil va jasur o‘ynashni so‘radim va ular buni qilishdi. Ikki markaziy himoyachimiz fantastik ko‘rinishda edi, ammo yakunda biz qaytishni shunchalik xohladikki, ularni yolg‘iz qoldirdik. Hisob o‘yindagidan yomonroq ko‘rindi.
Men futbolchilarga hamdardman. Ular bunga loyiq emas edilar. Ular bosim ostida dadil harakat qilishdi. Biz yaxshi o‘ynadik, vaziyatlar yaratdik. Lyoris ajoyib seyvlarni amalga oshirdi.
Bosim juda kuchli. Men har kuni ishimni qilaman. Muxlislarning hafsalasi pir bo‘lganini to‘liq tushunaman. Men buni yashira olmayman. Bu mening mas’uliyatim.
Nima bo‘lishidan qat’iy nazar, men klub egalarini juda hurmat qilaman, chunki ular menga katta yordam berishdi.
Hisob o‘yinning borishini aks ettirmaydi, ammo xulosa shuki, bu og‘ir mag‘lubiyat. Futbolchilarga hamdardman, 2:6 juda shafqatsiz.
Ketma-ket oltita mag‘lubiyat hech kimga foyda keltirmasligini tushunaman. Lekin o‘ylaymanki, biz o‘yinda ustunlik qildik, ayniqsa birinchi bo‘limda”, - deydi Brendan Rojers.
