"Лестер" бош мураббийи "Тоттенхэм"дан учралган мағлубият (2:6) ҳақида фикр билдирди.

“73 дақиқа давомида яхши ўйин бўлди ва биз эҳтимол (майдонда) имкониятлар яратадиган энг яхши жамоа эдик. Биз хатоларимиз учун жазоландик.

Мен футболчилардан дадил ва жасур ўйнашни сўрадим ва улар буни қилишди. Икки марказий ҳимоячимиз фантастик кўринишда эди, аммо якунда биз қайтишни шунчалик хоҳладикки, уларни ёлғиз қолдирдик. Ҳисоб ўйиндагидан ёмонроқ кўринди.

Мен футболчиларга ҳамдардман. Улар бунга лойиқ эмас эдилар. Улар босим остида дадил ҳаракат қилишди. Биз яхши ўйнадик, вазиятлар яратдик. Льорис ажойиб сейвларни амалга оширди.

Босим жуда кучли. Мен ҳар куни ишимни қиламан. Мухлисларнинг ҳафсаласи пир бўлганини тўлиқ тушунаман. Мен буни яшира олмайман. Бу менинг масъулиятим.

Нима бўлишидан қатъий назар, мен клуб эгаларини жуда ҳурмат қиламан, чунки улар менга катта ёрдам беришди.

Ҳисоб ўйиннинг боришини акс эттирмайди, аммо хулоса шуки, бу оғир мағлубият. Футболчиларга ҳамдардман, 2:6 жуда шафқатсиз.

Кетма-кет олтита мағлубият ҳеч кимга фойда келтирмаслигини тушунаман. Лекин ўйлайманки, биз ўйинда устунлик қилдик, айниқса биринчи бўлимда”, - дейди Брендан Рожерс.