20 yoshgacha bo‘lgan futbolchilar o‘rtasidagi Osiyo chempionatining final bosqichi O‘zbekistonda o‘tishidan xabaringiz bor. Kecha qit’amizda ushbu musobaqa saralash hisoblangan 10ta guruhdan 9tasida o‘yinlar yakunlandi.
Kelasi yilning mart oyida yurtimizga tashrif buyuradigan 13ta jamoa nomi aniq bo‘ldi. Yana 2ta jamoa nomi shu yilning oktyabr oyida bo‘lib o‘tadigan "H" guruhi bahslaridan keyin aniq bo‘ladi.
Reglamentga ko‘ra, 10ta guruh g‘oliblari va guruhlarda 2-o‘rinni egallagan jamoalar ichida eng yaxshi ko‘rsatkichga ega bo‘lgan 5ta jamoa U20 Osiyo kubogi yo‘llanmasini qo‘lga kiritishi kerak edi.
U20 Osiyo kubogi yo‘llanmasini qo‘lga kiritgan terma jamoalar:
O‘zbekiston (mezbon)
Saudiya Arabistoni
Qatar
Yaponiya
Iordaniya
Janubiy Koreya
Indoneziya
Ummon
Tojikiston
Eron
Vyetnam
Qirg‘iziston
Xitoy
Suriya
Eslatib o‘tamiz, U20 Osiyo chempionati 1-20 mart kunlari Toshkentda o‘tkaziladi. Unda dastlabki 4ta o‘rinni egallagan jamoalar 2023 yilning 20 may - 11 iyun kunlari Indoneziyada o‘tkaziladigan Jahon chempionati yo‘llanmasini qo‘lga kiritadi.
