20 ёшгача бўлган футболчилар ўртасидаги Осиё чемпионатининг финал босқичи Ўзбекистонда ўтишидан хабарингиз бор. Кеча қитъамизда ушбу мусобақа саралаш ҳисобланган 10та гуруҳдан 9тасида ўйинлар якунланди.
Келаси йилнинг март ойида юртимизга ташриф буюрадиган 13та жамоа номи аниқ бўлди. Яна 2та жамоа номи шу йилнинг октябрь ойида бўлиб ўтадиган "H" гуруҳи баҳсларидан кейин аниқ бўлади.
Регламентга кўра, 10та гуруҳ ғолиблари ва гуруҳларда 2-ўринни эгаллаган жамоалар ичида энг яхши кўрсаткичга эга бўлган 5та жамоа U20 Осиё кубоги йўлланмасини қўлга киритиши керак эди.
U20 Осиё кубоги йўлланмасини қўлга киритган терма жамоалар:
Ўзбекистон (мезбон)
Саудия Арабистони
Қатар
Япония
Иордания
Жанубий Корея
Индонезия
Уммон
Тожикистон
Эрон
Вьетнам
Қирғизистон
Хитой
Сурия
Эслатиб ўтамиз, U20 Осиё чемпионати 1-20 март кунлари Тошкентда ўтказилади. Унда дастлабки 4та ўринни эгаллаган жамоалар 2023 йилнинг 20 май - 11 июнь кунлари Индонезияда ўтказиладиган Жаҳон чемпионати йўлланмасини қўлга киритади.
