"Real" bosh murabbiyi Karlo Anchelotti "Madrid derbi"sidagi g‘alabasi (2:1) haqida fikr bildirdi.
"Real" 18-daqiqada oldinga chiqib oldi va 36-daqiqada hisobni 2:0 ko‘rinishiga keltirdi. “Atletiko” 83-daqiqada Tibo Kurtua darvozasiga aniq zarba bera oldi.
“Derbida g‘alaba qozonganimdan juda xursandman. 2:0 hisobida biz ustunlikni saqlab qolishni bilardik. E’tiborimizni himoyaga qaratdik va bu g‘alaba qozonish uchun yetarli edi. Biroq, o‘ylaymanki, biz ikkinchi bo‘limda oldinda yaxshiroq o‘ynay olishimiz kerak edi.
"Atletiko" ajoyib jamoa. Ha, ular mavsum boshida qiyinchiliklarga duch kelishmoqda, ammo ishonchim komilki, ular oxirigacha kurashishadi. Hozircha hech narsa hal qilingani yo‘q, hammasi tez o‘zgarishi mumkin, ammo biz mavsumni shunday ishonchli boshlaganimiz juda muhim”, - dedi o‘yindan keyin Anchelotti.
