"Реал" бош мураббийи Карло Анчелотти "Мадрид дерби"сидаги ғалабаси (2:1) ҳақида фикр билдирди.

"Реал" 18-дақиқада олдинга чиқиб олди ва 36-дақиқада ҳисобни 2:0 кўринишига келтирди. “Атлетико” 83-дақиқада Тибо Куртуа дарвозасига аниқ зарба бера олди.

“Дербида ғалаба қозонганимдан жуда хурсандман. 2:0 ҳисобида биз устунликни сақлаб қолишни билардик. Эътиборимизни ҳимояга қаратдик ва бу ғалаба қозониш учун етарли эди. Бироқ, ўйлайманки, биз иккинчи бўлимда олдинда яхшироқ ўйнай олишимиз керак эди.

"Атлетико" ажойиб жамоа. Ҳа, улар мавсум бошида қийинчиликларга дуч келишмоқда, аммо ишончим комилки, улар охиригача курашишади. Ҳозирча ҳеч нарса ҳал қилингани йўқ, ҳаммаси тез ўзгариши мумкин, аммо биз мавсумни шундай ишончли бошлаганимиз жуда муҳим”, - деди ўйиндан кейин Анчелотти.