"Bavariya" darvozaboni Manuel Neuyer oyoq barmog‘idan jarohat olgani tufayli Germaniya terma jamoasining bugungi mashg‘ulotlarida ishtirok etmadi. Bu haqda Sky Germany xabar berdi.
Agar u vaqtida safga qayta olmasa, Vengriyaga qarshi Millatlar Ligasidagi o‘yinda Ter Shtegen nemislar darvozasini qo‘riqlashi mumkin.
36 yoshli Noyer joriy mavsum myunxenliklar safida Bundesliganing 7 o‘yinida maydonga tushib, 6 ta gol o‘tkazib yubordi. Shuningdek, 2 ta bahsda o‘z darvozasi daxlsizligini saqlab qoldi.
