"Brayton"ning yangi bosh murabbiyi Roberto De Zerbi shartnoma imzolaganidan so‘ng o‘z his-tuyg‘ulari bilan o‘rtoqlashdi.

“Bu yerda ekanligimdan juda xursandman, yangi bosh murabbiy bo‘lganimdan juda faxrlanaman. Men klubga rahmat aytmoqchiman, har bir futbolchini o‘rganaman va yanvargacha ingliz tilida gaplashaman deb umid qilaman.

Potter mendan oldin qilgan ishlari tufayli men uchun "Brayton"da ishlash osonroq bo‘ladi. Mening futbol haqidagi g‘oyamga mos keladigan ko‘plab sifatli o‘yinchilar bor, ularda ham menga yoqadigan mentalitet va pressing bosimi bor. Jadvalda to‘rtinchi o‘rindagi jamoani olishim aniq, ammo bu men uchun qo‘shimcha motivasiya.

Gvardiola men bilan bog‘landi, u juda xursand va bu klub haqida yuqori gapiradi, agar biror narsa kerak bo‘lsa, menga yordam berishga doim tayyor ekanligini aytdi - biz bir-birimizga qarshi o‘ynagan o‘yinimiz bundan mustasno!

Gvardiolaning futboliga kelsak, menimcha, Pepni erishib bo‘lmaydigan murabbiy, chunki u buni Angliya, Germaniya va Ispaniyada isbotlagan", - deya De Zerbining matbuot anjumanida so‘zlaridan iqtibos keltirildi.

Ma’lum bo‘lishicha, 43 yoshli mutaxassis "chag‘alaylar" bilan 2026 yilgacha mo‘ljallangan shartnoma imzolagan.

Grem Potter "Chelsi" bilan 5 yillik shartnoma imzolaganidan keyin "Brayton" murabbiysiz qoldi.

Ayni paytda klub 6 turdan keyin 13 ochko jamg‘argan holda Premyer-liga turnir jadvalida to‘rtinchi o‘rinda bormoqda.