"Everton" va Ukraina terma jamoasi himoyachisi Vitaliy Mikolenko jarohat oldi.

Shu sababdan yosh futbolchi milliy terma jamoaning Glazgodagi ilk mashg‘ulotini o‘tkazib yubordi.

Manbaga ko‘ra, Mikolenko yengil jarohat olgan va shifokorlar unga dam olgani ma’qul, degan xulosaga kelishgan.

20 sentyabr, seshanba kuni futbolchini qo‘shimcha ko‘rikdan o‘tkazish, shundan so‘ng shifokorlar himoyachining mashg‘ulotlarga tayyorligi haqida xulosa berishadi.

Eslatib o‘tamiz, Ukraina Millatlar ligasida Shotlandiya (21 va 27 sentyabr) va Armaniston (24 sentyabr) bilan o‘yin o‘tkazadi.