Ukraina terma jamoasi bosh murabbiyi Aleksandr Petrakov Millatlar ligasi guruh bosqichida Shotlandiyadan uchralgan yirik hisobdagi mag‘lubiyat haqida fikr bildirdi. “Sariq-ko‘klar” safarda 0:3 hisobida mag‘lub bo‘ldi.
"Bizda jarohat olgan asosiy tarkib futbolchilari yo‘q edi. Boshqa o‘yinchilarga o‘ynash imkoniyatini berdim. Endi ko‘rib turibmanki, ular mavjud bo‘lmagan yetakchi futbolchilarni almashtira olmaydi. Hech narsani uddalay olmadik va yutqazdik", - dedi mutaxassis ua.tribuna sayti bilan suhbatda.
Kechagi mag‘lubiyatdan so‘ng Ukraina terma jamoasi olti ochko bilan turnir jadvalida ikkinchi o‘rinda bormoqda. Shotlandiya esa to‘qqiz ochko bilan guruhda peshqadamlik qilmoqda.
