Украина терма жамоаси бош мураббийи Александр Петраков Миллатлар лигаси гуруҳ босқичида Шотландиядан учралган йирик ҳисобдаги мағлубият ҳақида фикр билдирди. “Сариқ-кўклар” сафарда 0:3 ҳисобида мағлуб бўлди.
"Бизда жароҳат олган асосий таркиб футболчилари йўқ эди. Бошқа ўйинчиларга ўйнаш имкониятини бердим. Энди кўриб турибманки, улар мавжуд бўлмаган етакчи футболчиларни алмаштира олмайди. Ҳеч нарсани уддалай олмадик ва ютқаздик", - деди мутахассис ua.tribuna сайти билан суҳбатда.
Кечаги мағлубиятдан сўнг Украина терма жамоаси олти очко билан турнир жадвалида иккинчи ўринда бормоқда. Шотландия эса тўққиз очко билан гуруҳда пешқадамлик қилмоқда.
