"Tottenxem" bosh murabbiyi Antonio Konte Premyer-ligani tark etib, uning xizmatlariga qiziqish bildirayotgan Turinning "Yuventus" klubiga qaytishi mumkin.
La Gazzetta dello Sport nashrining xabariga ko‘ra, mutaxassis Andrea Anyelli bilan ehtimoliy hamkorlik borasida muzokara o‘tkazgan. Aytilishicha, Konte "keksa sinyora" boshqaruvidagi Massimiliano Allegrini almashtirishga qarshi emas.
"Yuventus" 2022/2023 yilgi mavsumni omadsiz boshladi. A Seriyaning yetti turidan so‘ng turinliklar o‘n ochko jamg‘arib, turnir jadvalida sakkizinchi o‘rinda bormoqda.
Chempionlar ligasining dastlabki ikki turida jamoa ikkita mag‘lubiyat alamini totib ko‘rdi.
