"Тоттенхэм" бош мураббийи Антонио Конте Премьер-лигани тарк этиб, унинг хизматларига қизиқиш билдираётган Туриннинг "Ювентус" клубига қайтиши мумкин.
La Gazzetta dello Sport нашрининг хабарига кўра, мутахассис Андреа Аньелли билан эҳтимолий ҳамкорлик борасида музокара ўтказган. Айтилишича, Конте "кекса синьора" бошқарувидаги Массимилиано Аллегрини алмаштиришга қарши эмас.
"Ювентус" 2022/2023 йилги мавсумни омадсиз бошлади. А Сериянинг етти туридан сўнг туринликлар ўн очко жамғариб, турнир жадвалида саккизинчи ўринда бормоқда.
Чемпионлар лигасининг дастлабки икки турида жамоа иккита мағлубият аламини тотиб кўрди.
