Angliya terma jamoasi bosh murabbiyi Garet Sautgeyt "Manchester Yunayted" sardori Garri Maguayrning holatidan xavotirda ekanligini tan oldi. Himoyachi "Manchester Yunayted"ning asosiy tarkibiga kirishni to‘xtatdi, ammo terma jamoaning asosiy o‘yinchisi.

"Menimcha, bizda uning o‘rnini bosadigan variantlar ko‘p emas. Agar bizda tajribali, darrov asosiyda boshlay oladigan futbolchilar bo‘lganida, bu boshqa masala.

Shubhasiz, vaziyat ideal emas. Men eng yaxshi futbolchilar muntazam o‘ynashini istayman, shunda ular optimal formada bo‘lishadi. Maguayr jamoamizning muhim futbolchisi. O‘ylaymanki, bu futbolchilarni qo‘llab-quvvatlash kerak. U katta klubda o‘ynashini tushunadi, u juda katta summaga shartnoma imzolagan, u jamoa sardori. Shuning uchun ham Maguayr haqida ko‘p gapiriladi. Ammo u mashg‘ulotlarga e’tibor qaratishi va jamoadagi o‘rin uchun kurashishi kerak", - dedi Sautgeyt matbuot anjumanida.