Belgiya terma jamoasi sardori, "Real" vingeri Eden Azar Millatlar ligasi doirasida Uelsga qarshi o‘yindagi g‘alabadan so‘ng Madrid klubidagi holati haqida fikr bildirdi.
"Men shunchaki o‘ynashni xohlayman. Maydonga kamdan-kam chiqayotganim uchun qiyin damlarni boshdan kechirdim. Biroq, men bor kuchimni sarflayman, chunki men o‘ynashni juda xohlayman. Bu qiyin vaziyat. Men jamoaga ko‘proq foyda keltira olishimni bilaman, lekin buning uchun ko‘proq o‘ynashim kerak. Tezlikni oshirib, men eng yuqori darajaga qaytishni xohlayman.
Menga ishonishini aytib, qayta-qayta gapiradigan, lekin meni zaxirada qoldiradigan Anchelotti ikkiyuzlamachimi? Bu savolni unga berishingiz kerak. Ko‘rganingizda undan so‘rang", - deya Azarning so‘zlarini keltiradi Belgiyaning RTLnashri.
