"Inter Mayami" hujumchisi Gonsalo Iguain Goal nashriga bergan intervyusida, agar Lionel Messi MLSga o‘tsa, liga yangi bosqichga chiqishini aytdi.
"Leo allaqachon Mayamida shug‘ullangan, u bu klubni biladi. U xuddi Maradona kabi istalgan joyda o‘ynay oladi. Qaror Leoga bog‘liq, ammo liga uchun uning transferi inqilob bo‘ladi, shubhasiz."
"Men Leo bilan oxirgi paytlarda gaplashmadim, uning "PSJ" bilan shartnomasi bor, u MLSda o‘ynaydimi yoki yo‘qmi, bilmayman, lekin baribir u bilan 9 yil terma jamoada birga o‘ynaganman".
"Inter Mayami"da qolamanmi yoki yo‘qmi dekabrda aniq bo‘ladi - men sizga xabar beraman, sabr qiling. Men hech qanday eshikni yopmayman, nima bo‘lishini ko‘ramiz. Messi qo‘shiladimi yoki yo‘qligini ham ko‘ramiz", - dedi Iguain.
