"Интер Майами" ҳужумчиси Гонсало Игуаин Goal нашрига берган интервьюсида, агар Лионель Месси МЛСга ўтса, лига янги босқичга чиқишини айтди.
"Лео аллақачон Майамида шуғулланган, у бу клубни билади. У худди Марадона каби исталган жойда ўйнай олади. Қарор Леога боғлиқ, аммо лига учун унинг трансфери инқилоб бўлади, шубҳасиз."
"Мен Лео билан охирги пайтларда гаплашмадим, унинг "ПСЖ" билан шартномаси бор, у МЛСда ўйнайдими ёки йўқми, билмайман, лекин барибир у билан 9 йил терма жамоада бирга ўйнаганман".
"Интер Майами"да қоламанми ёки йўқми декабрда аниқ бўлади - мен сизга хабар бераман, сабр қилинг. Мен ҳеч қандай эшикни ёпмайман, нима бўлишини кўрамиз. Месси қўшиладими ёки йўқлигини ҳам кўрамиз", - деди Игуаин.
