2021 yilda Lionel Messi "Barselona" bilan xayrlashdi va "PSJ"ga o‘tdi.

Argentinalikning parijliklarga transferi to‘liq o‘zini oqladi. 2022 yilda poytaxt jamoasi Fransiya chempioni unvonini qaytarib oldi, o‘sha mavsumda Leo barcha musobaqalarda 11 ta gol urdi va 15 ta golli uzatmani amalga oshirdi.

Lekin Messi futbol maydonidan tashqarida ham foydali ekanini isbotladi. El Economista xabariga ko‘ra, "oltin to‘p"ning yetti karra g‘olibi bilan tuzilgan shartnoma "PSJ"ga qo‘shimcha 612 million funt sterling keltirdi!

Messi bilan tuzgan shartnomasi orqali klub ko‘plab nufuzli brendlar, jumladan, Dior, PlayBetR va Goal bilan tuzilgan foydali homiylik shartnomalari tufayli o‘z daromadlarini 13 foizga oshirdi. Klub kriptovalyutalari ikki baravar oshdi, ularning tarixida birinchi marta daromad 300 million yevrodan oshdi.

"PSJ" bu mavsumda millionga yaqin futbolka sotdi, ularning 60 foizi Lionel familiyasiga ega.

"PSJ"ning marketing bo‘yicha direktori Mark Armstrongning ta’kidlashicha, klub bundan ham ko‘proq futbolka sotishi mumkin edi, ammo talab taklifdan oshib ketdi! Armstrong Ispaniyaning Marca nashriga bergan intervyusida talab 30-40 foizga oshgani va klub shunchaki Messining futbolkalariga bo‘lgan talabni qondira olmasligini aytdi.

Parijliklarning ijtimoiy tarmoqlari ham argentinalikning kelishi bilan faolroq rivojlana boshladi. Lionel bilan shartnoma imzolaganidan so‘ng, Parij ijtimoiy tarmoqlarida 15 million akkaunt ro‘yxatdan o‘tkazildi, barcha platformalardagi ijtimoiy tarmoqlardagi parijliklarning auditoriyasi tarixda birinchi marta 150 million obunachidan oshdi.