"Barselona" va "Atletiko" yana bir bor hujumchi Antuan Grizmanning transferi shartlarini kelishib olishga harakat qiladi, deb xabar beradi Mundo Deportivo.
Kataloniya klubi futbolchining huquqlarini 25 million yevro evaziga sotishga tayyor. Bundan tashqari, klub yanvar oyi boshiga qadar, ya’ni jamoalarning La Ligadagi o‘yini avvalidan hujumchini sotib olish shartlarini kelishib olmoqchi.
Avvalroq "Barsa" "Atletiko"ni sudga bermoqchi ekani ma’lum bo‘lgandi. Kataloniya rahbariyati madridliklar bonuslarni to‘lamaslik uchun Grizmanning maydondagi vaqtini ataylab cheklashiga ishonmoqda.
Ikki mavsumda 50 foiz o‘yinda kamida 45 daqiqa maydonda o‘tkazsa, “Atletiko” futbolchini 40 million yevroga sotib olishi talab qilinadi.