Hujumchi Risharlison nega o‘tgan yozda "Everton"dan "Tottenxem"ga o‘tishga qaror qilganini tushuntirdi.

"Men "Chelsi" va "Arsenal" "Everton" bilan bog‘langanini bilaman, ammo "Tottenxem" kelib, mening sobiq klubim talab qilgan narxni to‘lagan. Hammasi oddiy. "Everton" moliyaviy feyr-pley bilan bog‘liq muammolarga yo‘l qo‘ymaslik uchun bir necha o‘yinchini sotishi kerak edi, shuning uchun muzokaralar qisqa davom etdi.

"Tottenxem" taklif qilganini bilganimda Braziliyada dam olayotgan edim. Men juda xursand bo‘ldim, chunki bu jiddiy jamoa ekanligini bilaman. Klublar hamma narsani muhokama qilishdi va xayriyatki, hammasi muvaffaqiyatli yakunlandi. Muzokaralar chog‘ida Antonio Konte menga qo‘ng‘iroq qilib, meni jamoada ko‘rishni qanchalik xohlashini tushuntirdi - bu men uchun juda muhim edi", - deya Risharlisonning so‘zlarini keltiradi Goal.

Risharlison “Tottenxem”ga 2022 yil iyul oyi boshida qo‘shilgandi. Joriy mavsumda 25 yoshli braziliyalik barcha musobaqalarda jamoasi safida 8 ta o‘yinda maydonga tushib, 2 ta gol urdi va 2 ta golli uzatmani amalga oshirdi.