Ҳужумчи Ришарлисон нега ўтган ёзда "Эвертон"дан "Тоттенхэм"га ўтишга қарор қилганини тушунтирди.
"Мен "Челси" ва "Арсенал" "Эвертон" билан боғланганини биламан, аммо "Тоттенхэм" келиб, менинг собиқ клубим талаб қилган нархни тўлаган. Ҳаммаси оддий. "Эвертон" молиявий фейр-плей билан боғлиқ муаммоларга йўл қўймаслик учун бир неча ўйинчини сотиши керак эди, шунинг учун музокаралар қисқа давом этди.
"Тоттенхэм" таклиф қилганини билганимда Бразилияда дам олаётган эдим. Мен жуда хурсанд бўлдим, чунки бу жиддий жамоа эканлигини биламан. Клублар ҳамма нарсани муҳокама қилишди ва хайриятки, ҳаммаси муваффақиятли якунланди. Музокаралар чоғида Антонио Конте менга қўнғироқ қилиб, мени жамоада кўришни қанчалик хоҳлашини тушунтирди - бу мен учун жуда муҳим эди", - дея Ришарлисоннинг сўзларини келтиради Goal.
Ришарлисон “Тоттенхэм”га 2022 йил июль ойи бошида қўшилганди. Жорий мавсумда 25 ёшли бразилиялик барча мусобақаларда жамоаси сафида 8 та ўйинда майдонга тушиб, 2 та гол урди ва 2 та голли узатмани амалга оширди.
