"Shaxtyor"da o‘ynayotgan Mixaylo Mudrik Yevropa klublari tomonidan bo‘layotgan qiziqishlarga munosabat bildirdi.

"Ko‘p futbolchilar top-ligalarda o‘ynashni orzu qiladi, men ham bundan mustasno emasman. Ularning internetda nima yozishayotganiga men umuman ahamiyat bermayapman, mish-mishlarga ergashmayman, lekin butun e’tiborimni "Shaxtyor"da o‘ynashga qaratganman", - dedi futbolchi Sportarena bilan suhbatda.

Avvalroq matbuotda 21 yoshli futbolchining xizmatlariga Londonning "Arsenal" klubi va boshqa bir qancha Yevropa klublari qiziqish bildirayotgani haqida xabarlar tarqalgan edi.

Mudrik joriy mavsumda klub miqyosida beshta o‘yinda maydonga tushib, ikkita gol va uchta golli uzatmani amalga oshirdi. Uning shartnomasi 2026 yilgacha mo‘ljallangan.